२०८३ को नीति तथा कार्यक्रम हुबहु २०८१ सालकै रहेको नेता शाहीको दाबी

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले बालेन्द्र शाह सरकारले ल्याएको नीति तथा कार्यक्रम २०८१ सालको नीति तथा कार्यक्रमको हुबहु (कपि पेस्ट) रहेको दाबी गरेका छन् । उनले संसदमा दुवै नीति तथा कार्यक्रमको पुस्तक देखाउदै हुबहु रहेको दाबी गरेका हुन् ।

नेता शाहीले भने, ‘मेरो हातमा दुई वटा किताब छ । एउटा २०८३ सालमा, हिजो मात्रै, राष्ट्रपति रामचन्द्र पौडेलले वाचन गर्नु भएको नीति तथा कार्यक्रम । अर्को २०८१ सालमा सम्माननीय राष्ट्रपति रामचन्द्र पौडेलले नै सम्वोधन गर्नु भएको नीति तथा कार्यक्रम । हुबहु एउटै छ ।’

शाहीका अनुसार २०८१ को नीति तथा कार्यक्रममा २१७ बुँदा थिए भने अहिले १०० बुँदामा मात्र सिमित छन् । तर, सबैजसो मिलेको उनको दाबी छ ।