भक्तपुरका जिसस प्रमुख थापाको निधन

भक्तपुरका जिल्ला समन्वय समितिका प्रमुख ईश्वरबहादुर थापाको निधन भएको छ । सोमबार अपरान्न करिब ३ बजे उनको निधन भएको खबर सार्वजनिक गरिएको हो ।

निमोनियाको कारण थला परेका उनको त्रिवि शिक्षण अस्पतालमा उपचारको क्रममा निधन भएको थियो । उच्च रक्तचापका बिरामी रहेका ६५ वर्षीय थापा दुई सातादेखि महाराजगन्ज स्थित शिक्षण अस्पतालमा उनको उपचार भइरहेको थियो ।

रेडियो नेपालको जागिरे जीवनबाट अवकाश पाएपछि उनी नेकपा एमालेको राजनीतिमा सक्रिय रहँदै जिसस प्रमुख बनेका थिए ।

सादगी जनप्रतिनिधि थापाको निधनले अपुरणीय क्षति पुगेको छिमेकी समेत रहेका नेपाली कांग्रेस भक्तपुरका सचिव सुशील बस्नेतले बताए । सूर्यविनायक ७ गुण्डु निवासी जिसस प्रमुख थापाका श्रीमती, एक छोरा र ४ छोरी छन् ।