एकै दिन दुई वडास्तरीय सार्वजनिक सुनुवाई

भक्तपुरमा सोमबार एकै दिन दुई वडास्तरीय सार्वजनिक सुनुवाई सम्पन्न गरेको छ । भक्तपुरको सूर्यविनायक नगरपालिकामा सो सार्वजनिक सुनुवाई सम्पन्न गरेको हो ।

सूर्यविनायक नगरपालिका वडा नं ६ र वडा नं ७ सार्वजनिक सुनुवाई भएका हुन् । वडा नं ७ का वडा अध्यक्ष रवीन्द्र सापकोटाले गुण्डूको विकासले कोल्टे फेरेको दावी गरेका छन् । वडा अध्यक्ष रवीन्द्र सापकोटाले पुर्वाधार तथा बिकास निर्माणका २३ आयोजनामा मात्रै एक करोड ७९ लाख खर्च भएको जानकारी दिएका छन् ।

सार्वजनिक सुनुवाईमा एक विद्यार्थीले गरेको प्रश्नको जवाफ दिदै वडा नं ६ का वडा अध्यक्ष ईश्वर खड्काले वडाको बजेट आफू खुशी प्रयोग गर्न नसकिने जानकारी दिए । केहि समय अघि निजि विद्यालयमा स्मार्ट बोर्ड तथा प्रोजेक्टर राख्न माग गरेका उनै विद्यार्थीको प्रस्तावलाई चाहेर पनि स्वीकार गर्न र पूरा गर्न नसकिने वडा अध्यक्ष खड्काको भनाइ छ ।

वडा अध्यक्षद्वयले वडाका विभिन्न प्रगतिहरुबारे जानकारी गराउनका साथै वडाबासीहरुले उठाएका प्रश्नहरुबारे स्पष्ट जवाफ फर्काए ।