नेपाल र नेपालीको सुरक्षाका लागि राति १० बजेबाट नेपाली सेनाले स्थिति नियन्त्रण गर्ने

मंगलबार दिनभरको तनाव साम्य नभएपछि राती १० बजेबाट सबैको सुरक्षा लागि नेपाली सेनाले स्थिति नियन्त्रण गर्ने लिने भएको छ । सेनाले तत्काल लुटपाट, आगजनी लगायतका कार्य रोक्न समेत आग्रह गरेको छ ।

सैनिक सूचना तथा जनसम्पर्क निर्देशनालयले जारी गरेको विज्ञप्तिमा ‘विषम परिस्थितिको अनुचित फाइदा उठाएर केही समूहले सर्वसाधारण नागरिक तथा सार्वजनिक सम्पत्ति समेतमा अत्यधिक क्षति पुर्याउने काम’ गरेको भनिएको छ ।

यस्तोमा त्यसलाई नियन्त्रणमा लिन सम्पूर्ण राष्ट्रवासीलाई सहयोगका लागि अपिल समेत गरिएको छ । ‘तत्पश्चात सुरक्षा स्थितिको पुनर्मूल्यांकन गरी थप सूचना जारी गरिनेछ,’ विज्ञप्तिमा भनिएको छ ।