रसुवा बाढीमा परेका भक्तपुरका प्रजापतीको निधन

रसुवा बाढीमा परेका भक्तपुर नगरपालिका-९ निवासी इन्जिनियर सत्यसुन्दर प्रजापतिको निधन भएको छ । बाढीपछि सम्पर्कविहिन भएका प्रजापतिको शव बिहीबार धादिङमा फेला परेको थियो ।

३६ वर्षीय इन्जिनियर प्रजापति त्रिशूली हाइड्रोपावरमा कार्यरत रहेका थिए । उनका भाइले शरीरको ट्याटुको आधारमा प्रजापतिको शव पहिचान गरेक थिए ।

हाल उनको शव पोखरामा राखिएको छ। परिवारले पोखरा जान हवाई टिकट पाएका छैनन् । उनको अन्त्येष्टि गरेपछि मात्र गाईजात्रामा गाई निकाल्न मिल्ने भएकाले नजिकिएको गाईजात्राअघि गर्न परिवारले प्रयास गरिरहेका छन् ।