चुनावको तयारीमा जुट्न स्वास्थ्य मन्त्री गौतमको आह्वान

संघिय जनसंख्या तथा स्वास्थ्य मन्त्री सुधा शर्मा गौतमले आगामी फागुनमा हुने चुनावको तयारीमा जुट्न सबै दललाई आह्वान गरेकी छिन् । मन्त्री गौतमले क्यान्सर अस्पतालको ३१ औं वार्षिकोत्सव समारोहको सम्बोधन गर्ने क्रममा यस्तो आह्वान गरेकी हुन् ।

स्वास्थ्य मन्त्री गौतमले जेन जी आन्दोलनबाट बनेको सरकारले चुनाव गराउनु मुख्य काम भएता पनि मन्त्रालयको काममा पनि बिशेष ध्यान दिनुपर्ने बताइन् । नेपाल सरकारले दिईदै आएको ९८ प्रकारको नि:शुल्क औषधी तल्लो तहको स्वास्थ्य संस्थाबाट नदिएका कारण स्वास्थ्य बिमामा भिड बढेको उनी बताउँछिन् । ९८ प्रकारका नि:शुल्क औषधी स्वास्थ्य बिमामा नपर्ने यी औषधीहरु पहिला देखि नै नि:शुल्क वितरण गर्ने भएकाले स्वास्थ्य चौकी, जनस्वास्थ्य, प्राथमिक उपचार केन्द्रहरुबाट बिरामीलाई नि:शुल्क उपलब्ध गराउँन स्थानीय सरकारलाई अनुरोध गरिन् । यति गरेको खण्डमा बिमामा बिरामीको चाप कम हुने पनि उनको भंबाई छ ।

अस्पताल निमार्णको लागि चाँगुनारायण नगरपालिकाले वडा नं. ५ खरिपाटीमा ४३ रोपनी १२ आना जग्गा दिने कार्यपालिको निर्णय भईसकेको र सो निर्णयको फाईल जिल्ला प्रशासन कार्यालय भक्तपुर मै अड्किएको बागमती प्रदेशका संस्कृती तथा पर्यटन मन्त्रीको भनाईलाई मन्त्री डा. गौतमले यथासिघ्र मन्त्रालयबाट काम अगाडी बढाउने समेत जानकारी गराइन् ।