बेवारिसे अवस्थामा एक शिशु फेला

भक्तपुरको मध्यपुर थिमि ३ गठ्ठाघरस्थित नमूनाबस्तीमा बेवारिसे अवस्थामा एक शिशु फेला परेको छ ।बुधवार बिहान सालनालसहितको नवजात शिशु बेवारिसे अवस्थामा फेला परेको हो ।

गठ्ठाघरस्थित विगमार्ट नजिक पुरानो आइचर कम्पनी जाने बाटोको छेउमा सालनाल सहितको नवजात शिशु (छोरी) वेवारिसे अवस्था फेला परेको स्थानीयले जनाएका छन् ।

स्थानीय विनोद न्यौपाने र मनिषा धनुकेले देखि प्रहरीलाई खबर गर्नासाथ उक्त स्थानमा तत्काल प्रहरी गई उद्धार गरी नागरिक अस्पताल, गठ्ठाघर लगिएको छ । शिशुको अवस्था स्वस्थ रहेको जनाइएक छ ।

प्रहरीका अनुसार शिशुको नागरिक अस्पतालमा उपचार भइरहेको र घटनाको अनुसन्धान शुरु गरेको छ ।