गृह मन्त्रालयको भवनलाई प्रधानमन्त्री तथा मन्त्रीपरिषद्को कार्यालयका रूपमा व्यवस्थापन गरिदै

नयाँ सरकार गठनको तयारीसँगै गृह मन्त्रालयको भवनलाई प्रधानमन्त्री तथा मन्त्रीपरिषद्को कार्यालयका रूपमा व्यवस्थापन गरिदै छ । सिंहदरबारभित्र निर्माणको अन्तिम चरणमा पुगेको सो भवनलाई अव बन्ने प्रधानमन्त्रीको कार्यकक्षको रुपमा व्यवस्थापन गरिएको हो ।

जेनजीको आन्दोलनका क्रममा सिंहदरबारस्थित प्रधानमन्त्री तथा मन्त्रिपरिषद्को कार्यालय जलेर खरानी भएपछि नयाँ कार्यालयको व्यवस्थापन सुरु गरिएको जनाइएको छ ।

कार्यालयका लागि आवश्यक सामानहरूको व्यवस्थापनका साथै सरसफाइ समेत गरिएको छ । यसअघि सिंहदरबारको मुख्य भवनमा प्रधानमन्त्री तथा मन्त्रिपरिषद्को कार्यालय रहेको थियो । 

आन्दोलनका क्रममा प्रदर्शनकारीले गरेको आगजनीका कारण उक्त भवन पूर्ण रूपमा जलेर ध्वस्त भएपछि नयाँ भवनको खोजी गरिएको हो ।