बुधबारसम्म हिरासतमै रहने भए ओली र लेखक

नेकपा एमालेका अध्यक्ष तथा पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखक बुधबारसम्म हिरासत मै रहने भएको छ । काठमाडौं जिल्ला अदालतका न्यायाधीश जगतबहादुर पौडेलको इजलासले आइतबार दुवै नेताको म्याद पाँच दिनका लागि थप गर्ने आदेशसंगै उनीहरु बुधबारसम्म हिरासत मै रहने भएका हुन् ।

उनीहरूसँग सम्बन्धित मुद्दामा अनुसन्धान जारी राख्न अदालतले थप समय दिएको हो । यसअघि पनि उनीहरूविरुद्ध विभिन्न आरोपमा अनुसन्धान भइरहेको थियो ।

अनुसन्धान निकायले थप प्रमाण संकलन, बयान लिने तथा आवश्यक कागजात अध्ययन गर्न समय आवश्यक रहेको दाबी गरेपछि अदालतले म्याद थप्ने निर्णय गरेको जनाएको छ । यस अवधिमा सम्बन्धित निकायले घटनाको सत्य तथ्य पत्ता लगाउने कामलाई तीव्रता दिने अपेक्षा गरिएको छ । नागरिकन्युज ।