कान्तिपुर टेलिभिजनको नियमित प्रसारण पुनःसुचारु

कान्तिपुर टेलिभिजनको नियमित प्रसारण पुनःसुचारु  भएको छ । जेन-जी आन्दोलनका क्रममा तीनकुनेस्थित टेलिभिजनको कार्यालयमा आगजनी भएपछि बन्द भएको प्रसारण आज अपराह्न ४ बजेदेखि पुनःसुचारु भएको हो ।

हाललाई आगलागीबाट जोगिएको स्टुडियो ३ बाट टेलिभिजनको नियमित प्रसारण थालिएको जनाइएको छ । 

जेन-जी प्रदर्शनका क्रममा कान्तिपुर टेलिभिजनका साथै थाथापलीमा रहेको कान्तिपुर पब्लिकेशन्स्‌को कार्यालयमा समेत आगजनी र तोडफोड भएको थियो । जसका कारण ई-कान्तिपुर अनलाइनसमेत अवरुद्ध हुन पुगेको थियो ।