भोलि शोक दिवस, सार्वजनिक बिदा

सरकारले भोलि बुधबार (असोज १ गते) सार्वजनिक बिदा दिने भएको छ । सारकारले शोक दिवस मनाउने निर्णय गरेसंगै भोलि सार्वजनिक बिदा दिने भएको हो ।

मन्त्रिपरिषद्को सोमबार बसेको बैठकले जेन-जी आन्दोलनमा ज्यान गुमाएकाहरूप्रति शोक मनाउने निर्णय गरेको थियो । आन्दोलनमा ज्यान गुमाएकालाई सहिद घोषणा गर्दै उनीहरूलाई राष्ट्रिय सम्मानसहित अन्त्येष्‍टि गर्ने निर्णय पनि गरिएको गृहमन्त्री ओमप्रकाश अर्यालले जानकारी दिए ।