आज एनपिएल खेल नहुने

त्रिवि अन्तरराष्ट्रिय क्रिकेट रङ्गशाला कीर्तिपुरमा जारी रहेको दोस्रो संस्करणको नेपाल प्रिमियर लिग (एनपिएल) मा आज नहुने भएको छ । लिग चरणका खेल सकिएपछि मैदान व्यवस्थापनका लागि आज विश्राम दिन कुनै पनि खेल नहुने भएको हो ।

प्रतियोगिता अन्तर्गत भोलि पहिलो क्वालिफायर खेल हुनेछ । भोलि अपरान्ह ४ बजे हुने खेलमा सुदूरपश्चिम रोयल्स र विराटनगर किङ्स प्रतिस्पर्धा गर्नेछन् । सुदूरपश्चिम अङ्क तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने पक्का गरेका हुन् ।

सुदूरपश्चिम लिग चरणका सात खेलमध्ये छ र विराटनगरले भने सातमध्ये पाँच खेल जितेको थियो । सुदूरपश्चिमले विराटनगरसँग मात्रै लिग चरणमा पराजय भोग्नुपरेको थियो । विराटनगर भने चितवन र लुम्बिनीसँग पराजित भएको हो । रासस