संवैधानिक परिषद्सम्बन्धी अध्यादेश पुनः राष्ट्रपतिसमक्ष पठाउने मन्त्रिपरिषद्काे निर्णय

सरकारले संवैधानिक परिषद्सम्बन्धी अध्यादेश पुन: राष्ट्रपतिसमक्ष पठाउने निर्णय गरेको छ । सोमबार बिहान बसेको मन्त्रिपरिषद बैठकले उक्त अध्यादेश पुन: राष्ट्रपति रामचन्द्र पौडेलसमक्ष पठाउने निर्णय गरेको हो ।

सरकारका प्रवक्ता सस्मित पोखरेलले सोमबार बसेको मन्त्रिपरिषद् बैठकले उक्त अध्यादेशलाई पुनः राष्ट्रपति रामचन्द्र पौडेलसमक्ष सिफारिस गर्ने निर्णय गरेको जानकारी दिएका छन् ।

आइतबार राष्ट्रपति पौडेलले पुनरविचारका लागि भन्दै उक्त अध्यादेश सरकारलाई नै फिर्ता पठाएका थिए । कुनै परिमार्जन नगरी पुन:राष्ट्रपतिकहाँ पठाइएको प्रवक्ता पोखरेलले बताए ।