नेपाल भाषाको “याकचा जुया म्हाईपुसे च्वोना” गीत सार्वजनिक

सोम्बार नेपाल भाषाको “याकचा जुय म्हायपुसें च्वाना” बोलको नयाँ गीत सार्वजनिक गरेको छ । केबिएस प्रोडक्सन हाउस लुभुको प्रस्तुतिमा तयार पारिएको सो गीत जयनेपाल हल काठमाडौंमा सार्वजनिक गरिएको हो ।

ललितपुरको सुनाकोठी निवासी सिद्दि बहादुर महर्जन र निशा देसारको स्वर रहेको छ । गीतका नृत्य निर्देशक बालमुन्द प्रजापतिको सहयोगमा कलाकारद्वय यमन श्रेष्ठ र भिंतुना जोशीले गीत सुहाउँदो भुमिका निभाएका छन् ।

“याकचा जुया म्हाईपुसे च्वोना” (एक्लै भएर दिक्क लाग्यो) गीत सार्बजनिक गर्ने क्रममा गीतको भिडियोमा रहेका कलाकार र भिडियो बनाउन सहयोगीहरूलाई मायाको चिनो र सम्मान गरेको थियो ।

कार्यक्रममा विभिन्न कलाकारहरू लगायत नेपालभाषालाई माया गर्ने महानुभावहरूको बाक्लो उपस्थिति रहेको थियो । हलमा दर्शक तथा कलाकारहरूको उपस्थितिले काम गर्ने अझ हौसला मिलेको केबिएस प्रोडक्सन हाउसका प्रोप्राईटर कृष्ण भक्त श्रेष्ठले बताएका छन् ।