जनआन्दोलनबाट प्राप्त उपलब्धि गुम्ने खतरा बढेको उपप्रधानमन्त्री सिंहको भनाइ

भक्तपुर । उपप्रधान तथा शहरी विकासमन्त्री प्रकाशमान सिंहले जनआन्दोलनबाट प्राप्त उपलब्धि गुम्ने खतरा बढेको बताएका छन् । जगन्नाथ आचार्यको १०२औं जन्मजयन्तीका अवसरमा आयोजित कार्यक्रममा मन्त्री सिंहले अधिकार मात्र माग्ने तर कर्तव्य पूरा नर्गनाले जनआन्दोलनबाट प्राप्त उपलब्धि गुम्ने खतरा बढेको बताएका हुन् ।

उपप्रधानमन्त्री सिंहले २०४६ सालको आन्दोलन होस् या २०६२/६३ को जनआन्दोलन सबै दलहरू एक ठाउँमा उभिएर संर्घष गर्दै ल्याएको व्यवस्था सबै मिलेर र जोगाउनुपर्ने जोड दिएका छन् । उनले अहिलेका युवाहरु लहैलहैमा लाग्दा मुस्किलले प्राप्त गरेको अधिकार गुम्न सक्ने प्रति सजग रहन समेत आग्रह गरे ।

धेरै त्याग र बलिदान गरेर ल्याएको लोकतन्त्रलाई बचाएर राख्न सबै दल एक ठाउँ उभिनुपर्ने उनको भनाइ छ ।