७२ लाख ३६ हजार मूल्य बराबरको लत्ताकपडा बरामाद

महानगरीय प्रहरी वृत्त जगातीले ७२ लाख ३६ हजार मूल्य बराबरको लत्ताकपडा बरामद गरेको छ । अवैध रूपमा लुकाएर ल्याएको लत्ताकपडा सहितकाे ट्रक बरामद गरिएकाे प्रहरी परिसर भक्तपुरले जनाएको हो ।

आज बिहान करिब १० बजे काभ्रेबाट आउँदै गरेकाे बा ४ ख ७६० नम्बरको ट्रकमा भुसकाे बोरा भित्र लुकाएर ल्याएकाे कुर्टा सलवार , पाईन्ट सर्त लगाएतका लत्ताकपडा र प्लम्विङका सामान सहित ट्रक नियन्त्रणमा लिएकाे महानगरीय प्रहरी परिसरका प्रमुख प्रहरी उपरिक्षक माधव बुढाथाेकीले जानकारी दिएका छन् ।

बरामद गरिएका सामानहरू राजस्व कार्यालय पठाउने तयारीमा रहेकाे प्रहरी वृत्त जगातीले जनाएको हो । ट्रक चालक भने प्रहरीको नियन्त्रणमा रहेको छ । गाेप्य सुचनाकाे आधारमा चेकजांच गर्ने क्रममा लुकाई ल्याएकाे अवस्थामा उक्त सामान बरामद गरिएकाे हाे ।