भक्तपुरमा याँमता र मुपात्र जात्रा

भक्तपुरमा याँमता र मुपात्र जात्रा सुरु भएको छ ।ईन्द्रजात्राको अवसरमा भक्तपुरमा मनाइने यो जात्रा मंगलबारबाट सुरु भएको हो ।

विभिन्न धार्मिक ग्रन्थका आधारमा तयार पारिएको जात्रा भक्तपुरमा तीन दिन मनाइन्छ । याँमता(आकश दीप) त्रिशूल आकारको हुन्छ । त्रिशूलमा जस्तै देखिने सो दीपको आकश तिर फार्काएर तीन वटा टुप्पामा बत्ती बालिने गर्दछ ।

तचपालस्थित सँला गणेशबाट याँमता बाली नगर परिक्रमा गराइन्छ । साथै सँला गणेशलाई खटमा राखी नगर परिक्रममा गराई सँला गणेशको जात्रा पनि गरिन्छ । त्यसपछि मुपात्र जात्रा निकालिन्छ । जात्रामा याँमता, गणेश र मुपात्रलाई यमःद्यो भएको टोलहरूमा परिक्रमा गराइन्छ । 

जात्रामा मुपात्र प्रमुख र धिःचा नामक अन्य दुई जना सहायकसहित तीन जनालाई राक्षसको पोसाक लगाई अनुहारमा विभिन्न रङ लगाई सिँगारपटारका साथ तरबार समात्न लगाई भक्तपुर नगर परिक्रममा गराउने चलन छ । नगर परिक्रमा गर्दा नगरको टोलटोलमा ठड्याइराखेको यमःद्योलाई मुपात्र राक्षसले तीन पटक घुमेर तरबारले हान्ने गर्छन् ।