जिल्ला सुरक्षा समितिको बैठकले गरेको पाँच बुँदे निर्णय यस्तो छ ।

जिल्ला सुरक्षा समितिको बैठकले पाँच बुँदे निर्णय गरेको छ । जिल्ला प्रशासन कार्यालय भक्तपुरमा आज बसेको बैठकले पाँच बुँदे निर्णय गरेको हो ।

बैठकले जेनजी आन्दोलनले सरकारी कार्यालयमा भएको क्षतिको विवरण संकलन गरी आवश्यक सुझावसहित प्रतिवेदन तयार गर्ने, जिल्लामा रणनीतिक रूपमा संयुक्त गस्ती तथा चेकपोष्ट स्थापना गर्ने निर्णय गरेको छ ।

साथै, विगतदेखि रहेका प्रहरी वृत्त, चौकी तथा अस्थायी चौकीहरूको प्रभावकारिता हेरी आवश्यकताअनुसार स्थानान्तरण वा नयाँ व्यवस्था गर्ने भएको छ ।

जिल्ला सुरक्षा समितिले स्थानीय तहका प्रमुख तथा सरोकारवाला निकायलाई आवश्यक सहयोग पुर्‍याउने र सुरक्षासम्बन्धी सेवा तथा सुझाव निरन्तर उपलब्ध गराउने प्रतिबद्धता जनाएको छ ।