आन्दोलनमा ज्यान गुमाउनेलाई शहिद घोषणा

सरकारले आन्दोलनको क्रममा मृत्यु भएकालाई शहिद घोषणा गर्ने निर्णय गरेको छ । भदौ २३ र २४ गते भएको जेनजी आन्दोलनको क्रममा मृत्यु भएकालाई शहिद घोषणा गर्ने निर्णय गरेको हो ।

प्रधानमन्त्री सुशीला कार्कीले पदभार समाल्दै भदौ २३ र २४ गते जेनजी आन्दोलनका क्रममा मृत्यु भएकालाई शहिद घोषणा गर्ने निर्णय गरेको मुख्यसचिव एकनारायण अर्यालले जनाएको छन् । 

मुख्यसचिव अर्यालले प्रत्येक शहिदका परिवारलाई १० लाख रुपियाँ राहत उपलब्ध गराउने र घाइतेको निःशुल्क उपचार गराउने निर्णय गरेको बताए ।  

मुख्यसचिव अर्यालका अनुसार प्रदर्शनका क्रममा प्रदर्शनकारी ५९, कैदीबन्दी १० र  सुरक्षाकर्मी तीन जना गरी मृत्यु हुनेको सङ्ख्या ७२ पुगेको छ । १३४ जना प्रदर्शनकारी, प्रहरी ५७ गरी १९१ जना घाइते विभिन्न अस्पतालमा उपचाररत छन् ।