आजबाट एसइई परीक्षा सुरु

आजबाट यस वर्षको माध्यमिक शिक्षा परीक्षा (एसइई) परीक्षा सुरु भएको छ । देशभरका एक हजार नौ सय ६६ परीक्षा केन्द्रमा शान्तिपूर्ण रुपमा सुरु भएको हो ।

बिहीबार पहिलो दिन अङ्ग्रेजी विषयको परीक्षामा विद्यार्थी सामेल भएका छन् । परीक्षा यही चैत २९ गतेसम्म हुने छ । परीक्षामा पाँच लाख १२ हजार चार सय २१ जना सहभागी छन् । जापानको एक परीक्षा केन्द्रमा २३ जना सहभागी भएका छन् । परीक्षामा नियमिततर्फ चार लाख ४१ हजार पाँच सय ६६ जना र ग्रेडवृद्धितर्फ ७० हजार आठ सय ५५ जना सहभागी छन् ।

तीन घण्टाको परीक्षामा अतिरिक्त समय आवश्यक पर्ने अपाङ्गता भएकाहरुलाई थप एक घण्टा ३० मिनेटको व्यवस्था गरिएको छ । त्यसैगरी, उनीहरुलाई लेखन सहयोगीका रूपमा कक्षा ९ सम्म अध्ययन गरेकालाई अनुमति दिइएको छ । गोरखापत्रअनलाइन