डेंगु नियन्त्रण गर्न सरसफाइमा ध्यान दिन जनस्वास्थ्य कार्यालयको आग्रह

जनस्वास्थ्य कार्यालय भक्तपुरले डेंगु रोग नियन्त्रण गर्न सरसफाइमा ध्यान दिन आग्रह गरेको छ । कार्यालयले शुक्रबार भक्तपुर नगरपालिका अन्तर्गत अरनिको राजमार्ग सल्लाघारी देखि च्याम्हासिंहसम्म निरिक्षण गर्नुका सथै यस्तो आग्रह गरेको हो ।

जनस्वास्थ्य कार्यालय भक्तपुरको अगुवाइमा भक्तपुर रेडक्रस, नेपाल पत्रकार महासंघ भक्तपुर, भनपाका स्वास्थ्य स्वयमसेविकाहरूको उपस्थितमा विभिन्न कवरी गोदाम, मोटरसाइकल वर्कशपहरूमा निरिक्षण गरेको हो ।

निरिक्षण पस्चात सम्वधित ब्यक्तिहरूलाई पानी जम्न नदिन, जमिरहेको पानीमा सरसफाइमा ध्यान दिन अनुरोध गरेको छ । यदि यस्तो जनस्वास्थ्यसँग सम्वधित कुरामा बेवास्ता गरेमा नेपाल सरकारले दण्ड जरिवाना गर्नसक्ने कार्यालय प्रमुख अन्जना खड्काले जानकरी दिएकी छिन् ।