ताथलीको दुर्घटनामा एक जनाको मृत्युु, एक घाइते

भक्तपुर चाँगुनारायण नगरपालिका वडा नम्बर ८ स्थित ताथलीमा मोटरसाइकल र स्कुटर दुर्घटना हुँदा एक जनाको मृत्युु भएको छ भने एक जना घाइते भएका छन् । बिहीबार दुईवटा मोटरसाइकल एउटा स्कुटर एकआपसमा ठक्करखादा एक जनाको मृत्यु भएको भने अर्का एक घाइते भएका हुन् ।

मृत्युु हुनेमा प्रदेश ३-०२-०१४प ५०४३ नं.को स्कुटर चालक चाँगुनारायण न.पा.९ सुडाल सौडोल बस्ने १७ बर्षिय रिजन फुयाजु रहेको महानगरीय प्रहरी परिसर भक्तपुरका प्रमुख प्रहरी उपरिक्षक माधव प्रसाद बुढाथाेकीले जानकारी दिएका छन् । उनकाे अनुसार घाइते भएका फुयाजुको उपचारकाे क्रममा मध्यपुर थिमी अस्पतालमा मृत्यु भएकाे हो ।

बा.प्र.०२-०३६प ५३२७ नं.को मोटर साईकल चालक नुवाकोट शिबपुरी गा.पा.२ घर भई हाल काठमाडौं बस्ने बर्ष ४० को बिरे तामाङकाे ख्वप अस्पताल च्यामासिंहमा उपचार भैरहेको प्रमुख प्रहरी उपरिक्षक बुढाथाेकीले जानकारी दिए । उनका अनुसार तीन वटै सवारी साधन र ठक्कर दिने बा ९१ प ८४१२ नं.को मोटर साईकल चालक भारत घर भई हाल काभ्रे बनेपा बस्ने २४ वर्षको ईजार आलम बृत्त जगातीको नियन्त्रणमा रहेकाे छ ।

आज बिहान च्यामासिंहबाट नाला तर्फ जाँदै गरेको बा ९१ प ८४१२ नं.को मोटरसाईकलले बिपरित दिशाबाट आँउदै गरेको प्रदेश ३-०२-०१४प ५०४३ नं.को स्कुटरलाई ठक्कर दिदा नालाबाट च्यामासिंह तर्फ आँउदै गरेको बा.प्र.०२-०३६प ५३२७ नं.को माेटरसाईकल र स्कुटर ठक्कर खाइ दुर्घटना भएको थियो ।