गणतन्त्र दिवसको अवसरमा ११ जना सम्मानित

भक्तपुरमा गणतन्त्र दिवसको अवसर पारेर ११ जनालाई सम्मन गरेको छ । जिल्ला प्रशासन कार्यालय भक्तपुरले सहिद भएका परिवारका एक जना, बेपत्ता भएका २ जनाको परिवार र मधेस/जनआन्दोलनमा अपाङ्ग तथा घाइते हुने ८ जना गरि ११ जनालाई सम्मन गरेको हो ।

सम्मानित हुनेमा सूर्यबिनायक नगरपालिकाका छ जना रहेका छन् भने चाँगुनारायण नगरपालिकाका पाँच जना रहेका छन् ।

प्रमुख जिल्ला अधिकारी गोपाल प्रसाद अर्यालले संघीय लोकतान्त्रिक गणतन्त्रात्मक शासन व्यवस्था गर्न सहिदहरुले, अपाङ्गता तथा बेपत्ता भएकाको परिवारले गरेको योगदान सम्मानजनक रहेको बताउनुभयो ।