एकै दिन तीन जना मन्त्री सिफारिस

प्रधानमन्त्री सुशीला कार्कीले मन्त्रीपरिषद् विस्तारका लागि एकै दिन तीन मन्त्रीको नाम सिफारिस गरेकी छिन् । जेनजी अभियान र सरोकारवालासँगको परामर्शपछि प्रम कार्कीले एकै दिन तीन मन्त्रीको नाम सिफारिस गरेकी हुन् ।

प्रम कार्कीले अर्थमन्त्रीमा रामेश्वर खनाल, ऊर्जा जलस्रोत एवं सिँचाइ तथा सहरी विकासमन्त्रीमा कुलमान घिसिङ र गृहमन्त्रीमा अधिवक्ता ओमप्रकाश अर्याललाई नियुक्तिका लागि सिफारिस गरिएको राष्ट्रपति कार्यालयले पुष्टि गरेको छ ।

प्रधानमन्त्री कार्कीले मन्त्रीपरिषद् विस्तारका सन्दर्भमा जेनजी अभियन्तासहित सरोकारवालासँग संवाद जारी राखेकी छिन् । उनले आइतबार सिंहदरबारस्थित प्रधानमन्त्री तथा मन्त्रीपरिषद्को कार्यालयमा पदभार ग्रहण गरेपछि मन्त्रीपरिषद् गठनका सन्दर्भमा संवाद अघि बढाएका थिए । गोरखापत्रअनलाइन