इटाछेंमा ४५ औं बृहत नेपाल भाषा साहित्य तःमुंज्या हुने

४५ औं बृहत नेपाल भाषा साहित्य तःमुंज्या (सम्मेलन) भक्तपुरको इटाछेंमा हुने भएको छ । यहि असोज १८ र १९ गते हुने नेपाल भाषा साहित्य तःमुंज्या इताछेंमा हुने भएको हो ।

नेपाल भाषा साहित्य तःमुंज्याको मूल समारोह समितिका अध्यक्ष रवीन्द्र खर्वुजाले ४५ वर्षदेखि एक वर्ष पनि नविराई प्रत्येक वर्ष निरन्तर रुपमा सम्मेलन संचालन गर्दै आएको जनाकारी दिए । अध्यक्ष खर्वुजाले भक्तपुर काण्डको समयमा भूमीगत रुपमा सम्पन्न गरेको र कोरोनाको वर्षमा अन्लाईनमार्फत सम्मेलन सफलतापूर्वक सम्पन्न गरेको स्मरण गरे ।

सम्मेलनका आयोजकले जनता म्वाःसा भाषा म्वाई (जनता रहे भाषा रहन्छ) भन्ने नाराका साथ सम्मेलनलाई निरन्तरता दिदै आएको जानकारी गराए । आयोजकका अनुसार ४५ औं बृहत नेपाल भाषा साहित्य तःमुंज्या भएकाले ४५ सदस्यीय मुल समिति र यस अन्तर्गत दुईदिने सम्मेलन सफल बनाउन १२ वटा उपसमिति गठन गरिएको छ । आयाेजक समितिका संयाेजक खर्बुजाले सम्मेलनमा करिब २५ लाख खर्च हुने अनुमान गरिएको जानकारी दिए ।